ریاست معارف ولایت دایکندی اعلام کرده که 310 «مجاهد» برای گرفتن سند صنف دوازده امتحان «تثبیت سویه» سپری کرده‌اند.

این ریاست روز سه‌شنبه، 19ثور در فیسبوک اعلام کرد که این افراد از تمام ولسوالی های دایکندی اشتراک کرده‌اند.

رحمت‌الله مدثر، رئیس معارف دایکندی گفته که این امتحان «طبق طرزالعمل وزارت معارف برگزار شده است.»

روند تثبیت سویه اواخر سال گذشته بر اساس لایحه معینیت تعلیمات اسلامی وزارت معارف شد. این روند برای فارغان مدارس دینی خصوصی برگزار می شود که «بعد از ارزیابی سویه‌های علمی متقاضیان، برای آنها از سوی وزارت معارف، اسناد تحصیلی به سویه دوازده پاس و لیسانس» توزیع می‌شود.

به این منظور ماه گذشته در بامیان نیز 450 «مجاهد» امتحان مشابه را گذراندند.